Copyright Mana Moana Collective / Storybox
Footer link 1 | Footer link 2
2020
Tūātea
Ko Tūātea tētahi mahi toi nā Louise Potiki Bryant, ko Bianca Hyslop te kaikanikani, ko Paddy Free te kaitito, nā Horomona Horo ngā taonga puoro. Ka whai tēnei mahi toi i te tauira a Hinemoana, te atua o te moana. Ka rapu haere a Tūātea i te kaha o ngā ngaru nui o tētahi āwhā i runga i te moana, me te āiotanga kei ngā hōhonutanga o te moana, ahakoa te puahiri kei runga.
Concept, Direction, Animation and Editorial: Louise Potiki Bryant
Dancers: Bianca Hyslop & Louise Potiki Bryant
Director of Photography: Paddy Free
Music: Paddy Free
Taonga pūoro: Horomona Horo
Created by
Ki Te Ao Matihiko
He kūwaha tēnei mahi toi “Ki Te Ao Matihiko” hei pōhiri i ngā manuhiri ki te ao matihiko o Mana Moana. He atua kei roto i te kūwaha nei, hei tohu i te whakapapa o te kaupapa o Mana Moana me taua ao matihiko e noho nei tātou katoa i te nuinga o te wā. Arā, e whā ngā atua i roto i te kūwaha porohita nei: Ko Hine-moana (te atua o te Moana Nui a Kiwa), Ko Tāne-nui-a-Rangi (nāna a Hineahuone i hanga, ko te matua o Hine-tītama, ā, ko ia te kaitiki i ngā kete o te wānanga), Te Uira (te atua o te uira), ā, ko Hine-te-iwaiwa hoki (te atua o te rāranga).
Te Mauri
Te Maara Tuu Aatea Mutunga Kore : the celestial gardens of infinite space
— Te Huirangi Eruera Waikerepuru, 2015
Ka whakamahia te hangarau matihiko ka puta mai ai he whakaaro e pā ana ki te “mariko”, ko te mauri me ngā tikanga hei here i te taonga me te tangata, ā, ka whakawhitia te wā roa me te wāhi roa. He whakamaumaharatanga a ‘Te Mauri’ ki tētahi tauihu (Te Ātiawa) me te tira nā rātou te taonga i kawe ki tāwāhi mō te whakaaturanga Te Maori 1984-1985 (USA) me Te Hokinga Mai 1986-1987 (NZ). Ko whakaaturia a ‘Te Mauri’ hei hanga ata kōroto i Trigger Points, Te Āporo Nui, i 2016 (J Pallitz Gallery, Syracuse University, Te Āporo Nui).
I roto i te whakaaturanga o Mana Moana kua whakahoungia te pakiwaituhi hei whakaatu i te haerenga koki huripū ā-karu, ā-taringa hoki. Mā roto i tēnei whakatakotoranga ipurangi, ka taea e ngā kaimātaki te hāngai i waenganui i ngā tongiiti rāiti o tēnei pikitia matihiko. Ka karangahia te pikitia e te karakia me te maioha, ko te taonga hoki, ngā tīpuna me te whakaaturanga e hui tahi ai ēnei mea katoa. Ka whai tātou i te ara o ngā tikanga me ngā taonga, ka maumahara anō tātou ko wai tātou: ko te mouri, ko te māramatanga e whiti tonu ana, i tō tātou noho i Te Ao Mārama.
Te ara tuunui
Te ara tuuroa
Te ara tuuaatea mutunga kore
Te maara tu aatea mutunga kore[2]
[1] Tauihu: Kaitiaki: Manukorihi Pā Trust housed in Puke Ariki Museum A.78.127. Accessed May 2020
https://collection.pukeariki.com/objects/21894
[2] Te Huirangi Eruera Waikerepuru, personal communication, Jan 2012. In,Stuart Foster & Kura Puke, “Kapo Ka Pō Awatea. ” Memory Connection V.3 No.1 (2019). The Memory Waka Research Group Massey University, p.158.
Concept and visuals: Stuart Foster & Kura Puke
Te Reo Maioha: Kurt Komene
Reo Po’hiri: Hinemoa Erueti Waikerepuru
Ko te Rōpū Rangahau o Te Matahīapo ngā kaiārahi o te kaupapa nei, he mihi nui hoki ki te Whare Taonga o Puke Ariki me te Kaitiaki o Manukorihi Pā.
Mana Moana Meditation
Kua mahia e Michel Tuffery rāua ko Karlo Mila he ruku hōhonu, he hokinga ki te katoa o te moana. I roto i ēnei wā o te aituā, o te pakanga, me te pōraruraru o te mate urutā e noho whakamohoao ai te ao, kua huri te maha o ngā ringa toi ki ā rātou mahi toi hei mahi atawhai, hei mahi whai oranga, kaua ko te mahi whakaatu noa iho. Mai i konei, ka whiria te kupu me te āhua ki te ao kahurangi ki tua, he ruku i te huatau o te Moana. He ao waiwai tō tātou. Me hono tātou ki te katoa o ngā hononga e whiri ai tātou.
Concept: Karlo Mila & Michel Tuffery
Art: Michel Tuffery
Animation and Editing: Michel Tuffery & Mike Bridgman
Poetry & Performance: Karlo Mila
Soundscape Design: Laughton Kora
Fangufangu and Vocals: Manase Lua
Soundscape Mixing: Tiki Taane
Manawa Hau
Ko Manawa Hau he mahi toi e whamamātautau ana i te pito mata o te tūhono tangata mā roto i te ao mariko. He mea whakaohooho i ngā mahi hauora a Cathy Livermore (kaikanikani), a Rob Thorne (taonga puoro), a Jess Feast anō hoki (ringa tohu). Ka pōhiritia koe e rātou kia haere ki roto i te wāhi tapu e rāranga ai ngā nekeneke, ngā oro, me ngā awenga hei ārahi i a koe ki tō tātai manawa; mai i te pū manawa, ki te manawa, ki te whatumanawa. He tohu tēnei kaupapa o te hiranga o te tūhonotanga, o te rerenga kei roto i a tātou hei hāpai i te mana moana o roto. Kia mahu ai te ao e karapoti nei tātou, me tīmata kē kei roto i a tātou anō, me ruku hōhonu ki raro rawa i tō tātou tū i te ao kikokiko.
Movement: Cathy Livermore
Taonga Pūoro: Rob Thorne
Director: Jess Feast
Producer: Ruth Korver
Cinematography: Daniel Loorparg
Sound Recording: Piers Gilbertson
Cultural Director: Cathy Livermore
Creative Direction: Jess Feast, Cathy Livermore
Editing and Effects: Daniel Loorparg
Sound Post Production: Piers Gilbertson
Lighting Design: Natasha James
Lighting Consultant: Will Smith
Lighting Assistant: Andy Thornecroft
Makeup: Natalia Spooner
Production Manager: Rhiain Love
Executive Producer: Robert Appierdo
Rob Thorne thanks NZSM
Rukuia
Ka pāorooro kei raro i te tio o te hapū o te moana, kei tua i te paerangi.
Ko ngā atua o te Moana, ko Tangaroa rāua ko Hinemoana e whakahoki kōrero atu, ā, ka huri te tai.
Ka huri te tai, ka rewa te tio, ā, ka rapu a Te Kāunga i a Te Hira.
Engari he tere, he atamai hoki ia. Ka huna ia i te wao nui a Tāne, whāngai ai i āna tamariki.
He wāhi āio i roto i ngā hurihanga pōturi, i ngā au nunui.
Pērā i a Māui, ka whakapōturi tātou i a tātou ka wātea mai he wā mō te whakaaroaro.
Ko te waiata a Hira e tohu ana ki a tātou kia kāti te mahi! … whakarongo … kia aumārire te noho i roto i ngā aneatanga o te tangata.
Imagescape: Johnson Witehira
Soundscape: Warren Maxwell
I am Hine, I am Moana
Ki ruku hōhonu tēnei mahi toi Ko Hine au, Ko Moana au, ka ruku ki te ira wahine – tērā āhuatanga e kore e oti, he mea tapu ka rere tōtika i te ao tukupū ki roto rawa i ngā wāhine katoa ahakoa tana pakeke. He hononga ki te whānautanga mai, he hononga ki te matenga. Māna tātou e whāngai, e tiaki, ā, i ngā wā tika, māna tātou e whakamāhaki. Ka tuku mihi tēnei mahi toi – Ko Hine au, ko Moana au – ki ngā mahi a Hine hei kaiārahi i ngā wā hurihuri o te ao mārama, o te ao wairua, o te taiao, me te ahurea tangata hoki.
Concept / Poetry / Voice / Makeup: Tina Ngata
Choreography: Terri Ripeka Crawford
Dancers: Tioreore Ngatai-Melbourne & Terri Ripeka Crawford
Director of Photography / Editor: Charles Brooks
Photography Assistant: Yasna Parra
Soundscape / Sound Engineering: Warren Maxwell
Costume: Korou Productions (Donna Campbell – ‘Hinetītama’ corset, Hei Miro; Rhonda Tibble – Piupiu; Ngahina Hohaia – Taaumi; Shona Tawhiao – Hei Mana; James Webster – Parirau Toroa; Layton Robertson – Heru Mapara )
Location: Te Toka a Te Aotaihi, Wharekahika
Noho Whare: Ngahiwi Apanui
Te Huihui a Matariki
Ko Te Huihui a Matariki he wāhi whakapiripiri mō tātou kia kitea ai te kāhui whetū rongonui hei tohu o te Tau Hou Māori. Mā roto i te pōuriuri, ka tīmata tō haerenga i waenga i ngā āhuatanga peita ka puta ai, ka ora ai i ngā oro o te taiao me te auahatanga. Ko ngā whetū o Matariki e kitea ana i tēnei mahi toi, ko Ururangi (ngā hau), ko Tupu-ā-rangi (ngā kai o runga), ko Tupu-ā-nuku (ngā kai o te whenua), ko Waitā (te moana), ko Pōhutukawa (hei maumahara i ngā mate), ko Waitī (te wai māori), ko Waipuna-ā-rangi (te ua), ko Hiwa-i-te-rangi (te wā heke), ko Matariki hoki (te huihuinga tangata).
Artwork & Directing: Regan Balzer
Music & Composition: Laughton Kora & Horomona Horo
Animation: Creature Post
Music Mastering: Tiki Taane
Animatic & Project support: Mike Bridgman
Animation support: Kaimai-Rose Lee
Photography Assistant: Tuiaria Balzer-Horo
Special thanks to: The Meteor Theatre, Hamilton and WINTEC School of Media Arts