Ko Mana Moana, he mea raupī, he kākano i whakatōngia e Rachael Rakena rāua ko Mike Bridgman, ā, he mea whakaputa e te pakihi whakaputa mahi toi a Storybox. Kua huihui mai ngā ringa toi rongonui, ko ētahi he Māori, ko ētahi he Tangata Moana kia
mahi tahi ai hei whakaputa i ngā mahi toi rerehiko. He rapunga i ō tātou hononga ki te moana, ki te panonitanga āhuarangi, ki te hangarau hoki, mā roto i ngā kōrero taketake, i ngā tirohanga taketake, me ngā mātauranga taketake. Koinei ngā whanonga pono o Mana Moana: ko te mana, te moana, te vā, te whakatangata whenua, te whakatūtū, me te mahi tahi.

Ko te whakaputanga tuatahi o Mana Moana i te tau 2019, he mea whakaatu i ngā kaupapa oro/ataata e rima ki runga i tētahi mata whakaata wai i Whairepo i Te Whanganui a Tara – he wāhanga o ngā kaupapa whakanui i a Matariki. Kua whakawhiwhia te kaupapa o Mana Moana ki te tohu koura i ngā 2019 BEST Design Awards, ā, kua kōwhiritia mō te hui ahurei toi Nuit Blanche Toronto ki Kānata. Arā tētahi terenga kiriata i runga i a Whakaata Māori e whakaatu ana i te kaupapa o 2019, ā, kei reira ētahi uiuinga i
ngā ringa raupī me ngā ringa toi.

I 2020, kua huri te aroaro o Mana Moana ki tēnei wheako ipurangi, nā te pānga mai o te mate urutā korona. Mā konei e pupū ake ai ngā kaupapa o te hauora, o te taurite, o te mahu i roto i ngā mahi toi.