Ko Taupuni toi ataata he mea i ahu mai i ngā kōrero Māori, i ngā oriori, i ngā mahi rangahau hoki a te kaitito mō tāna Tohu Kairangi e pā ana ki ngā mahi purenga ihomatua a te hunga Māori mā runga ipurangi. He reo pōhiri ngā kupu ki tētahi wāhi tīpuna, ka tohua hoki te whakaaturanga nei hei mea whakarākei i a Ranginui – he hononga whakawhiti wā, he hononga whakawhiti wāhi. Kei roto i te titonga nei he mihi ki te whakatūranga o Mana Moana i te ao matihiko o te ipurangi. E kīia nei ko ngā mahi toi katoa he momo ‘ipu’ kikī ana i ngā mātauranga, i ngā kōrero hōhonu nō ngā hau e whā, kua tau mai nei ki tēnei wāhi ‘ipurangi’.

Ko Te Rina Warren (Rangitāne, Maniapoto & Mōkai Pātea (Whitikaupeka)) tēnei: te māmā o tētahi Raukura (he tangata i kuraina i ngā Kura Kaupapa Māori); he iwi tonotono; he ringa toi takakawe (te nuinga he pārongo whakairoiro); he kaiwete mekameka (ngā mea o te kore-maumahara o te tāmitanga koroniara), ā, he whaea kēkē ‘wekeneru’. Whakaako ai ia i te mātauranga Māori me te kōkiritanga Māori, ka whakaako hoki ia mō Te Tiriti o Waitangi mō Te Atakura … e kitea ai e haere poka noa ana ki ngā akoranga o tāna tamāhine. Ko āna mahi rangahau mō tāna Tohu Kairangi e pā ana ki te ipurangi me ngā tikanga Māori. E whai ana ēnei mahi i āna wheako maha, me ngā mea i ākona e ia i ngā hui me ngā wānanga i te taha o ētahi tautōhito rongonui.